A rôh leh, mâu kăn rơtế tơbâ tơdroăng hmâ pêi pro ki lĕm ton nah tung mơjiâng ƀă mơnhông kong pơlê Dak Lak, nhoăm pâ pleăng reăng, chôu nhang, mơhno tuăn mâ kơ mâu lêng Kŏng sản, mâu ngế ki kroăng phâk a Hngêi phâk Ƀuôn Ma Thuột, mâu rơxông kăn pơkuâ, kăn ƀô̆, mâu lêng ƀă kuăn pơlê mâu hdroâng kuăn ngo kong pơlê Dak Lak hiăng ôh tá xâu pá puât, hlâ rêh vâ mơjiâng ƀă mơnhông kong pơlê Dak Lak.

Pôa Lại Đức Đại, kăn phŏ pơkuâ ngăn Tíu xiâm Mơhno túa lĕm tro, Tơ’noăng ivá ƀă Ôm hyô Dak Lak ăm ‘nâi, chêh chôu nhang cho tơdroăng pêi pro rêm hơnăm hmâ tơkŭm po a Tíu tơbâ tơnêi têa a Hngêi phâk Ƀuôn Ma Thuột. Hơnăm kố, tơdroăng kố thăm ai pơxúa drêng tơkŭm po klăng troh leh tơbâ 120 hơnăm hâi mơjiâng kong pơlê, 84 hơnăm hâi  mơjiâng Đảng ƀô̆ kong pơlê ƀă pêi pro troh tơbâ mâu hâi leh kân dêi tơnêi têa.