Veăng amê ai lâm ki 64 ngế ngê̆ nhân ƀă mâu ngế ki hriâm cho mơngế Rơđế a cheăm Ea Tu, pơlê kong kơdrâm Buôn Ma Thuột. Mâu ngế ki hriâm châ hbrâ mâu tơdroăng mâ hlo, mơnhên, rah xo, vâ tơbleăng mâu tơmeăm khoăng  lĕm tro chêng koăng, hơdruê, rêi prô kuăn ngo; xúa kih thuât photovoice – kuăn pơlê  hơ’muăn mâu tơdroăng túa lĕm tro tơná. rơtế ƀă hriâm rơbot, mâu ngế hriâm ối châ pơtâp, lăm ngăn  a mâu pơlê.

Ing mê kum vâi ‘nâi vâ hriĕn plĕng  rak túa lĕm tro kuăn ngo  tơná, ‘nâi hriĕm pro mâu tơmeăm xup um ƀă tơdroăng ki lĕm ƀă um tơdah, ki chuât lĕm há ‘na ki pơxúa, hnoăng pêi pro dêi tơmeăm ki kơnía ton nah ƀă tơdroăng rêh ối kuăn pơlê, hbrâ xúa mâu túa photovoice tung tơbleăng, mơđah, ‘măn rak ƀă tơbleăng ăm kuăn pơlê ‘nâi mâu tơmeăm ki kơnía túa vêa vong lĕm tro dêi kuăn ngo rơtế ƀă mơnhông ôm hyô.