Roh lăm pôu mơnhên troăng hơlâ tơpui kâ ƀă kong têa ê dêi Việt Nam, tung mê kơjo ăm tơrŭm cheăng Việt Nam – Kul, tơdrêng amê mơhno cho khu tơrŭm cheăng ai hnoăng cheăng, thăm veăng tung lâp plâi tơnêi.

Roh lăm pôu dêi pôa Trần Thanh Mẫn, Kăn xiâm hnê ngăn Kuô̆k hô̆i kô kum mơdêk hiâm mơno loi tơngah ton xŏn ƀă pro trâu hơngế tâ tơrŭm péa tơnêi têa, mơdêk tơrŭm cheăng pơla Kuô̆k hô̆i tơnêi têa pin ƀă Kuô̆k hô̆i ƀă Thươ̆ng viê̆n kong têa Kul, pơtối djâ tơrŭm cheăng Việt Nam – Kul mot tung hneăng mơnhông nếo, mơjiâng ivá nếo ăm tơrŭm cheăng kâ, thăm tơdjêp pơla péa tơnêi têa tung la ngiâ.