Kong pơlê pơkâ pêi klêi hơnăm 2024 pêt 3.117 ha kong. A leh tơbleăng pêt loăng tơkŭm po a Pơlê kong kơdrâm Gia Nghĩa, pôa Lê Trọng Yên, Kăn phŏ hnê ngăn Vi ƀan kong pơlê Dak Nông krếo thế rêm râ, mâu kơvâ cheăng rơtế ƀă tâi tâng kuăn pơlê mơdêk tơdroăng ki hlê plĕng, kơhnâ pêt loăng ƀă rak ngăn loăng ngiât, rak ngăn kong veăng kum rak vế kong prâi tơnêi tơníu, hbrâ ví ƀă kong prâi pro hơ’lêh.

Klêi leh tơbleăng, kăn pơkuâ kong pơlê Dak Nông rơtế ƀă mâu khu lêng ƀă kuăn pơlê pêt vâ chê 1 rơpâu xiâm loăng kía đen, kơpeăng têa a kơpong tơnêi tơkoh ƀă long têa hngêi kơmăi on tơhrik Dak Rtih, bêng Nghĩa Tân, pơlê kong kơdrâm Gia Nghĩa. Rơtế tung hâi, mâu khu râ, kơvâ cheăng, cheăm tơring a kong pơlê Dak Nông tơkŭm lo lăm pêt loăng ngiât pêi pro Leh tơbleăng “Têt pêt loăng plâ rơxông pâ mơnê hnoăng Pôa Hồ”. Tung rôh kố, kô ai lối 32 rơpâu xiâm loăng ngiât châ pêt tung lâp kong pơlê.