Khu râ kăn hiăng troh lăm pôu jâ Phạm Thị Sinh (kot mâ hơnăm 1930, ối a pơlê kân Bình Thạnh), cho kuăn pơlê veăng tơplâ tung tơplâ xâ a Điện Biên Phủ. Jâ Phạm Thị Sinh châ diâp Mê dái Ƀlêi trâng ối má péa ƀă Huân chương. Kơ’nâi mê, khu râ kăn hiăng troh lăm pôu pôa Nguyễn Đình Xướng (kot mâ hơnăm 1934, ối a pơlê kân Bình Thạnh). Pôa Xướng veăng tung tơplâ xâ Điện Biên Phủ sap mâu hâi apoăng troh mơgêi. Teăng mâ khu râ kăn teăng mâ, jâ Nguyễn Thị Lệ, Kăn hnê ngăn Hô̆i đong kuăn pơlê Pơlê kong kân Hồ Chí Minh tối ăm ‘nâi, rơxông nôkố đi đo pâ vế hnoăng kân kĭn dêi mâu kăn pơkuâ, kăn ƀô̆, mâu lêng, droh rơtăm djâ troăng ahdrối, kuăn pơlê veăng tơplâ ƀă khu lêng kuăn pơlê lâp tơnêi têa hiăng khên tơnôu tơplâ, pleăng hnoăng cheăng tung tơplâ xâ Điện Biên Phủ, kum chiâng ƀlêi trâng tung tơplâ xâ Mih tŏng xo tơnêi têa.

Jâ Nguyễn Thị Lệ pói vâ péa pôa đi đo phiu ro mo sêi, tơkŭm rơtế rơpŏng, kuăn cháu, pơtối mơnhông hiâm mơno Pôa Hồ, ai hên tơdroăng veăng kum ăm pơlê rế hía rế mơnhông mơdêk.