Ngế pro xiâm hnê ngăn tơnêi têa pơkâ thế kong pơlê Quảng Bình kheăn hôu mâu ngế ki pôu râng hnoăng xua kơxô̆ pâk pơkeăng hbrâ mơdât pơreăng kôk rơxok châ iâ
Thứ ba, 10:04, 09/04/2024
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Ngế pro xiâm hnê ngăn Chin phuh pơkâ thế kong pơlê Quảng Bình kheăn hôu, pêi mơnhên hnoăng cheăng khu pú hên, ngế krê, ngế ki ối a ko khu râ kăn pơkuâ mâu khu râ ôh tá bê tơmâng, tơngôu tung pơkuâ, hnê mơhno tơdroăng hbrâ, mơdât pơreăng kôk rơxok.
Kong pơlê Quảng Bình cho môi tung kơxô̆ mâu kong pơlê ai kơxô̆ ngế pâk pơkeăng vaccine hbrâ mơdât pơreăng kôk rơxok ăm tâi tâng khu chó châ iâ, pá kơdâm 10% ƀă ai ngế hlâ xua pơreăng kôk rơxok. Khế 2 hơnăm 2024, kong pơlê Quảng Bình châ hlo ngế apoăng hlâ xua tro tâ pơreăng kôk rơxok.
Kơxô̆ pâk pơkeăng vaccine hbrâ mơdât pơreăng kôk rơxok ăm kuăn kiâ kong a kong pơlê Quảng Bình tung hơnăm 2023 iâ má môi, mâu kong pơlê ai pâk pơkeăng vaccine hbrâ mơdât pơreăng kôk rơxok ăm châ pá kơdâm 25% tâng pơchông ƀă pơkâ dêi kong pơlê kố. Tiô pơkâ pêi, hơnăm 2024 kong pơlê Quảng Bình kô tơkŭm po pâk pơkeăng vaccine hbrâ mơdât pơreăng kôk rơxok tơniăn châ ki vâ iâ lối 80% tung tâi tâng khu chó, miếo.
Viết bình luận