VOV4.Xơ Đăng - Kơtêi to lơ ối khê̆n cho kơtêi kơtâu têi, cho môi túa tamo ki hlo hên ôh ti xê to a ngế ki hiăng hên hơnăm mê nôkố túa tamo kố dế hlo trâm hên a ngế ki hơnăm ối nếo. Kơtêi kơtâu têi châ ngăn cho ngế ki kơdê hlâ mơngế ki ôh tá kơbố ‘nâi ƀă ai hên tơdroăng ki pro pơhlêh ó ăm ngế ki tro tamo mê, malối ai lối tơdế kơxô̆ ngế tro kơtêi kơtâu têi ôh ti ‘nâi tơná tro. Xua mê, tơdroăng ki ‘nâi ƀă teăm pơlât tơdrêng cho kal khât vâ hbrâ mơdât túa tamo kố.

VOV4.Xơ Đăng - Cho túa pơreăng ki nếo,  inâi JN.1 cho ki xiâm pro thăm tâ tú rĕng ƀă hiăng pro hên ngế hlâ a mâu kong têa, tung mê ai kơpong Đông Nam Á. A Việt Nam, klêi kơ’nâi séa ngăn gen dêi vâ chê 20 to kong têa ki tro tâ pơreăng COVID-19 châ hlo, mơngế ki tamo hiăng tâ pơreăng Omicron JN.1. Tâi tâng mâu nguế ki tro tâ mê pơrá châi ó ƀă tá hâi teăm pâk tŭm pơkeăng vaccine tiô tơdroăng hiăng hnê. Ki tô tuăn akố, kơxô̆ mơngế ki mot pơlât xua COVID-19 a mâu hngêi pơkeăng rế hên, malối tung mâu hâi achê pơla kố, pơkal thế Kơvâ ngăn ‘na pơkeăng ƀă khăm pơlât, kuăn pơlê ôh tá chiâng tơngôu, ôh tá chiâng hê xua pơla kố thăm rế ai hên   kơdrâm mơngế prôk lăm tụng rơnó Têt Lo hơnăm nếo.

VOV4.Xơ Đăng - Mơnhên tơdroăng ki rak vế krúa lĕm kế kâ ôh ti xê tơdjâk ivá kuăn pơlê mê ối tơdjâk troh tơdroăng mơnhông cheăng kâ rêh ối pơlê dêi kong pơlê. Vâ kum kuăn pơlê tơdah Têt Lo hơnăm nếo Giáp Thìn ƀă ro Hơngui tơniăn, rak ivá, Khu hnê mơhno cheăng ki ai tơdjâk troh ‘na rak krúa kế kâ kong pơlê Dak Lak hiăng ƀă dế hnê mơhno pêi pro kơtăng hnoăng cheăng rak vế krúa kế kâ a kong pơlê.

VOV4.Xơ Đăng -  Vâ chê Têt Lo hơnăm nếo, tơdroăng ki kuăn pơlê rơhêng vâ rôe xúa kế tơmeăm a kong pơlê Dak Lak cho hên ‘nâng, kố cho roh ki tơ’lêi ai mâu kế tơmeăm mơdró ki ôh tá krúa, tơmeăm ôh tá ‘nâi nhên xiâm kối, vâi hmâ tơvât tung tơmeăm ki dâi, ki lĕm krúa. Vâ rak vế ăm mơngế ki rôe xúa, khu râ, kơvâ cheăng hiăng thăm mơdêk pêi pro hnoăng cheăng tơplâ vâ mơdât ƀă teăm rup tơleăng mâu khu ngế ki ai pêi pro xôi luât ‘na rak vế krúa lĕm kế kâ.

VOV4.Xơ Đăng - Êi kân troăng nŭm cho tơdroăng ki hmâ hlo hên a mâu kơnốu ki hiăng hên hơnăm xua tung pơla rế vâ krâ ‘na tung châ chăn. Kố cho tơdroăng châ hmâ trâm má 3 kơ’nâi ai hmốu a kơkốu ƀă ƀă tro êi rơtốu troăng nŭm. Tơdroăng châi kố pro tơdjâk ‘mêi hên troh ivá dêi ngế ki châi, laga, hên ngế ki châi tiah mê xuân ối tơngôu drêng ‘nâi tơná hiăng tro êi môi tiah tối kơ pêng, ôh tá vâ lăm khăm, ôh tá vâ rĕng pơlât pro tơdroăng châi chiâng tơdjâk ‘mêi troh ivá, thăm nếo rơ-iêo, ‘nâ pro hlâ mơngế.

VOV4.Xơ Đăng - Hơnăm 2024, Khu Hnê mơhno Tơnêi têa Mơhnhôk pleăng mơheăm ki mơhnŏng vâ pleăng xêh mơheăm mơhnhôk tơdah xo dâng 1,6 rơtuh tơdrong mơheăm.

VOV4.Xơ Đăng - Tíu xiâm khăm pơlât tơring Chư Sê, Gia Lai nếo tơdah 3 nhŏng o hơ-ôu xua kâ hơ’nêh ƀă kơtâ kêt dro. Nôkố 2 ngế o hiăng hlâ, 1 ngế dế thâ pơlât.

VOV4.Xơ Đăng - Hneăng hôp kân Khu Ƀok thái pơkeăng hơnăm ối nếo Việt Nam roh má 4, hneăng hơnăm 2020-2025 vêh mơnhên: “Ƀok thái pơkeăng hơnăm ối nếo xua môi Việt Nam mo rơdêi” ƀă pơkâ pêi pro 2 hnoăng: “Ƀok thái pơkeăng hơnăm ối nếo djâ troăng ahdrối, rơkê ‘nâi tung hriăn plĕng khoa hok hnối ‘mâi rơnêu hnoăng cheăng ki dâi khât”, ƀă “”Ƀok thái pơkeăng djâ troăng hdrối, mơhnŏng pleăng hnoăng cheăng xua ivá pơlê pơla”. Pơla hdrối kố nah, Khu ngăn ‘na Ƀok thái pơkeăng hơnăm ối nếo a mâu kong pơlê tung lâp tơnêi têa dế pơkâ pêi pro hnoăng cheăng ki mê.

VOV4.Xơ Đăng - Ing to lâi rơxông hdrối mê hía nah, hdroâng mơngế Tày hiăng ‘nâi xúa hlá nhâ, rêi, kơtôu loăng tung kong vâ pro pơkeăng pơlât tơdroăng châi tamo. Ing go pơlê, hơlâ troăng tá troh a mâu kơdrum deăng, chiâk deăng, kong ilâng, vâi krâ-nhŏng o pơrá tăng châ hlo mâu loăng, nhâ vâ pro pơkeăng, mơngế Tày rêm kơpong pơrá ai túa ki ‘nâi xúa nhâ loăng ki tơvât dêi pó vâ pơlât mâu tơdroăng châi tamo pơrá phá dêi pó. Đông Bắc vâ tí tăng ‘nâi plĕng ‘na tơdroăng pêi pêt, mơjiâng pro pơkeăng ing hlá nhâ, rêi, kơtôu  loăng kong dêi mơngế Tày a tơring Ba Chẽ, kong pơlê Quảng Ninh.

VOV4.Xơ Đăng - Hâi lơ 22/12, Tíu xiâm séa ngăn mơdât pơreăng kong pơlê Gia Lai ăm ‘nâi, ai 1 ngế nếo hlâ xua pơreăng rơxok a tơring Đức Cơ.