VOV4.Xơ Đăng - Kơxo lơ 28/3, Khu pơkuâ ngăn pơkeăng ƀă khăm pơlât kong pơlê Dak Lak tơkŭm po Hneăng hôp pêi pro tơdroăng hbrâ mơdât pơreăng hơnăm 2023.

VOV4.Xơ Đăng - Pôa Nguyễn Đại Phong, Kăn pơkuâ hngêi pơkeăng kân kơpong Tây Nguyên, a Dak Lak tối ăm ‘nâi, troh nôkố, hngêi pơkeăng xuân tá hâi pêi pro tơdroăng rôe pơkeăng, ƀă kơmăi kơmok, tơmeăm khăm pơlât tiô pơkâ 30 ƀă Pơkâ kơxô̆ 07 xuân ối trâm hên tơdroăng ki tơdjâk troh luât pơkâ yă.

VOV4.Xơ Đăng - Kơ-o hiăn cho môi túa pơreăng ki tâ tú xua vi khuẩn kơ-o hiăn  pro. Tối troh pơreăng kơ-o hiăn, rêm ngế hmâ tơmiât troh pơreăng kơ-o hiăn êi xôu ki ôh tá ai kơbố tơmâng ngăn troh, môi túa pơreăng kơ-o hiăn ki i ê. Xua iâ hlo, pro ngế ki tâ pơreăng nhôm ƀă mâu pơreăng ki ê.

VOV4.Xơ Đăng – Gia Lai ai lối 271.000 ngế ôh tá châ kum baoh hiâm khăm pơlât klêi kơ’nâi ai hên cheăm tơring tung kong pơlê ôh tá ối tung rơpŏng xơpá. Vâ kum vâi krâ nhŏng o a mâu cheăm kố tung tơdroăng khăm pơlât, Vi ƀan hnê ngăn kong pơlê Gia Lai pơkâ tŏng kum nâp liăn baoh hiâm khăm pơlât ăm mâu ngế ki xơpá, kuăn pơlê hdroâng kuăn ngo.

VOV4.Xơ Đăng - A chê kố, Hngêi pơkeăng pơlât vâi hdrêng kong pơlê Gia Lai tơdah sap ing 300 – 400 ngế lăm khăm pơlât tung môi hâi, tơdjâk troh mâu pơreăng ing troăng hiâm.

VOV4.Xơ Đăng - Maluâ kơxô̆ liăn ki tŏng kum tá hâi teăm châ 500 rơpâu liăn rêm khế la kơnôm ing tơdroăng kơhnâ, pôu râng hnoăng cheăng, kơhnâ krâu, mâu kăn ƀô̆ ngăn ‘na pơkeăng thôn pơlê Bắc Kạn rêm hâi khăm pơlât, rak ngăn ivá châ chăn ăm mâu pơlê cheăm kơpong kong ngo.

VOV4.Xơ Đăng - Ai môi ngế ƀok thái pơkeăng hiăng 80 hơnăm kơhnâ khât tung hnê mơhno tơrêm ‘noăng chư, rak ngăn ivá châ chăn ăm vâi hdrêng ki chó chêng, tơvê kŏng, plôm mâ, klêk tuăn vâ vâi ki kố chiâng mâu ngế ki rơkê plĕng. Jâ Đỗ Thúy Nga, châ pôk inâi Ngế kơdrâi Pơlê kong xiâm rơkê kơhnâ hơnăm 2022.

VOV4.Xơ Đăng - Sap ing apoăng hơnăm troh nôkố, kong pơlê Dak Lak ‘nâi hên ngế vâi hdrêng tro tâ pơreăng lo kơtuâ ‘mêi, môi túa pơreăng ki tơ’lêi tâ tú. Malối cho tung pơla péa khế hdrối kố nah, hlo ai tíu ki ai pơreăng a cheăm Ea Kao, pơlê kong kơdrâm Ƀuôn Ma Thuột ƀă cheăm Nam Ka, tơring Lak pro hên ngế tâ pơreăng.

VOV4.Xơ Đăng - Kơxo lơ 2/3, Khu xiâm pơkuâ ngăn pơkeăng ƀă khăm pơlât, Khu vâi kơdrâi rơkê kơhnâ kơvâ ngăn pơkeăng ƀă khăm pơlât; pôa Trần Hồng Hà, Ngế pro xiâm phŏ hnê ngăn tơnêi têa veăng ƀă xông tơpui a roh leh.

VOV4.Xơ Đăng - 4 khu chêh hlá tơbeăng: Hlá tơbeăng Nhân dân, Rơ’jíu xiâm Việt Nam, Um tơvi Việt Nam, Thŏng tâ̆n xah Việt Nam hiăng tơrŭm ƀă Khu xiâm ngăn ‘na pơkeăng ƀă khăm pơlât tơkŭm po roh trâm mâ, koh mơnê khu kăn ƀô̆ ngăn ‘na pơkeăng ƀă khăm pơlât drêng tro hâi Thái pơkeăng Việt Nam lơ 27/2.