A rôh tơdah, pôa Trần Hồng Hà, Ngế pro xiâm phŏ hnê ngăn tơnêi têa pin tối nhên, Chin phuh ƀă kuăn pơlê Việt Nam khĕn kơdeăn hnoăng cheăng dêi WHO tung mâu tơdroăng xing xoăng pêi cheăng, tơdjêp tung lâp plâi tơnêi ‘na kơvâ pơkeăng pơlât rak ngăn ivá ăm kuăn pơlê.

Tung tŭm tơdroăng cheăng, luât pơkâ tŏng kum khăm pơlât, rak ngăn ivá mơngế a Việt Nam xuân ai rơtế ƀă, veăng pêi, hnê tối, veăng kum dêi mâu kăn ƀô̆ ki rơkê, mâu ngế rơkê dei WHO. Tối nhên ki kal dêi tơdroăng cheăng khăm pơlât hbrâ mơdât pơreăng, ‘na khăm pơlât a cheăm tơring tung rak ngăn ivá rôh apoăng, hbrâ mơdât pơreăng ing ahdrối, ing hơngế.

Pôa Trần Hồng Hà, Ngế pro xiâm phŏ hnê ngăn tơnêi têa tối nhên, Việt Nam púi vâ WHO  veăng kum pơtối ‘mâi mơnhông kơvâ cheăng kô; ‘nâi nhên tơdroăng kal vâ, tơdroăng cheăng pêi, xiâm tơdroăng cheăng, mơngế pêi cheăng tơbleăng pêi.