Hơnăm 2025, rơtế ƀă tơdroăng hbrâ mơdât pơreăng, mơdêk tơdroăng khăm, pơlât, Khu xiâm pơkuâ ngăn pơkeăng ƀă khăm pơlât kô tơkŭm séa ngăn, pro lế lĕm tro khu pêi cheăng tơnêi têa, pro lế lĕm hngêi pơkeăng hbrâ ối tung Khu xiâm tiô Tơdroăng tơkêa mơjiâng Tíu xiâm Mơdât pơreăng Tơnêi têa. Mơjiâng Tơdroăng tơkêa bro tơbleăng Ngế pro xiâm hnê ngăn Chin phuh kĭ ăm pêi pro pơtroh mâu Hngêi pơkeăng ối tung Khu xiâm vêh a kong pơlê pơkuâ tiô Tơdroăng tơkêa bro tâi tâng pro lế lĕm tro, vêh rak tơniăn mâu hngêi pơkeăng ối tung Khu xiâm ngăn pơkeăng ƀă khăm pơlât hneăng hơnăm troh hơnăm 2030.

.Xông tơpui a hneăng hôp, pôa Lê Thành Long, Ngế pro xiâm phŏ hnê ngăn tơnêi têa pơchân tối, Khu xiâm ngăn pơkeăng ƀă khăm pơlât pơtối pêi pro tơtro tơdroăng pro lế lĕm tro khu pêi cheăng tơnêi têa; pro tŭm têk, teăm tơdrêng mâu troăng pơkâ pêi, troăng hơlâ dêi Đảng; hlê plĕng pêi pro trâu hơngế hnê mơhno dêi pôa Tô Lâm, Kăn xiâm pơkuâ hnê ngăn Đảng ‘na pơhlêh nếo ivá ó rơdêi tơdroăng mơjiâng luât ƀă tơmiât rế tơniăn pơkâ pơkuâ tơnêi têa, rế mơhnhôk tơmiât pêi rơkê, pro tơ’lêi hlâu rêm kơxô̆ liăn vâ mơnhông, xo kuăn pơlê pro tíu xiâm, cho khu xiâm, cho pơkâ pêi troh, ivá ki kal má môi ăm mơnhông.