Ăm ‘nâi Việt Nam pro tíu ki tơdjêp, kơjo gum mơhnhôk tơrŭm cheăng dêi Qatar, UAE, Saudi Arabia ƀă ASEAN ƀă mâu kong têa Đông Nam Á, Ngế pro xiâm hnê ngăn pơkâ thế mâu kong têa mơdêk tơrŭm cheăng dêi Việt Nam ƀă Hô̆i đong tơrŭm ƀă kơpong Ving GCC; Loi khât kơ mâu Kăn teăng mâ ƀă mâu Kăn Teăng mâ mâu kong têa pơtối rak vế pêi pro hnoăng cheăng tíu tơdjêp, kơhnâ veăng ‘no hnoăng hên tâ nếo ăm tơdroăng ‘mâi mơnhông ƀă mơdêk tâ nếo tơrŭm cheăng pơla Việt Nam  ƀă Saudi Arabia, UAE, Qatar.

Mâu Kăn Teăng mâ tối Saudi Arabia, UAE, Qatar nhoăm tơrŭm cheăng ƀă Việt Nam, hlối vâ po rơdâ, cho tíu tơdjêp tơrŭm pơla ASEAN  ƀă GCC. Tối tơ’nôm, nôkố tơdroăng tơrŭm cheăng pơla Việt Nam ƀă mâu kong têa hên tơdroăng pêi pro, mâu Kăn teăng mâ loi khât tung la ngiâ, tơrŭm cheăng dêi Việt Nam ƀă 3 to kong têa kô mơnhông rơdêi, khât tâ, rĕng châ pêi tơƀrê tâi tâng mâu pơkâ ki péa pâ hiăng tối hdrối môi tiah tơdroăng hnê tối dêi Ngế pro xiâm hnê ngăn tơnêi têa.