VOV4.Xơ Đăng - Tơdroăng ki tối hên kuăn pơlê kong pơlê Dak Nông hêng hôu tung măng pơlê pơla xua athế lăm roê kế tơmeăm xúa tung khăm pơlât vâ kum ăm hngêi pơkeăng pâ, kăn pơkuâ Hngêi pơkeăng kân kong pơlê Dak Nông hiăng mơnhên tơdroăng kố.

VOV4.Xơ Đăng - Ngế ki mơheăm tro kreăng ôh tá kâi kơtâu mot troh plâi nuih cho tơdroăng ki tơdjâk troh a plâi nuih ôh tá bê mơheăm chĕm roăng ƀă mơheăm tro kreăng xua mạch vành, tơkéa vâ tối cho troăng mơheăm păn plâi nuih kơdrâ tro mơdât a tung troăng ki vâ ăm mơheăm kơtâu. Tâng mơheăm ôh tá rĕng châ prôk tơdrêng, mê tơdroăng ki mơheăm tro kreăng ôh tá kâi kơtâu troh a plâi nuih ki râ mơni kô bro ‘mêi troh a plâi nuih tá ah, hlối hlâ. Xua mê, tơdroăng ki rĕng teăm pơlât tơdrêng, malối tung pơla 6 chôu apoăng, tung pơla châ ngăn vâ pơlât cho rôh ki tơniăn lĕm, drêng tơdroăng tamo kố gá pơxiâm ăm ‘nâi ga kal khât, mơni kô kum ăm ngế ki châi tamo mê châ hluăn ing rôh ki rơ-iô.

VOV4.Xơ Đăng - Mâu hơnăm hdrối mê hía nah, kong pơlê Dak Lak hiăng pơkâ pêi pro hên tơdroăng vâ tơ’mot ƀok thái pơkeăng lăm pêi cheăng a pơlê cheăm, la xua tơdroăng cheăng lối hên, liăn khế ôh tá tơxâng mê khoh preăng ai mâu ƀok thái pơkeăng rơhêng vâ lăm pêi cheăng a pơlê, cheăm, tơring. Tơdroăng kố, pro tơdjâk troh tơdroăng khăm pơlât ăm kuăn pơlê ki châi tamo, ôh tá ai ƀok thái pơkeăng khăm pơlât xuân u ối hlo ai hên a pơlê cheăm, tơring. Nam Trang, Ngế chêh hlá tơbeăng cheăng tung Rơ'jíu Việt Nam kơpong Tây Nguyên ai chêh tối ‘na tơdroăng mê.

VOV4.Xơ Đăng - A Dak Lak, pơreăng tơngê lo mơheăm dế xông tâ tú ó, kuăn pơlê xuân ôh tá tơmâng troh hnoăng cheăng hbrâ mơdât pơreăng.

VOV4.XơĐăng - Drêng tro châi kơkóu tiô rơnó, mâu ki klâi ki tơdjâk dêi kơkóu môi tiah pro lĕm, pro ai têa tung châ, kơhleăng tah mâu trếo ki ‘mêi tung châ lo pa kong ing têa nŭm. Xua mê, mâu trếo ki kơhleăng mê, trếo ki ‘mêi kô ối môi tíu tung dế châ. Tâng ôh tá teăm châ mơ’no mơheăm tơdrêng, đi đo, ivá ngế ki tro pơreăng mê kô râ ó, thăm nếo kô rơ-iêo troh ivá.

VOV4.Xơ Đăng -  Drêng kố, Kŏng ti 715 ối tơkŭm po diâp 300 kơxuô tơmeăm ăm mâu ngế ki ai hnoăng tơnêi têa a tơring Ia Giai.

VOV4.Xơ Đăng - Pơreăng tơngê lo mơheăm dế tâ tú ó a Gia Lai. Kơvâ cheăng ki ai tơdjâk troh dế mơdêk rơdêi mâu troăng hơlâ hbra mơdât.

VOV4.Xơ Đăng - Pơreăng nŭm nheăn tung pơla mơ-êa cho tơdroăng ki xik ngeăm tung mơheăm tâk hên a kơlo tiah hmâ, trâm tung pơla dế mơ-êa, hmâ châ pâk séa ngăn mơheăm, châ ‘nâi sap ing măng tĭng mơ-êa sap ing 24 troh 28 măng.Tâng pơreăng kố ôh tá châ ‘nâi ƀă ôh tá teăm châ pơlât tơdrêng mê mơni kô bro rế râ chiâng tơdjâk troh ivá châ chăn dêi ngế nôu ƀă o ngá.

VOV4.Xơ Đăng - Hâi khế pơkâ ăm kâ sap lơ 1/7/2022 troh hâi lơ 31/12/2023 ƀă tâi tâng kơlo liăn ki ăm kâ mê lối 68 rơtal liăn.

VOV4.Xơ Đăng - Bu tung khế 6 hơnăm 2023, kong pơlê Dak Lak pơtối hlo ai 2 ngế vâi hdrêng tro tâ pơreăng êi ngôa Nhật Bản. Kố cho môi tung mâu pơreăng ki hiăng tro tú ga kô châi râ, pro tơ’nhê ngôa, troăng kơxái veăn ngôa, la ngiâ pro vâi hdrêng ôh tá tơleăng lĕm thăm nếo kô pro hlâ mơngế.