17 ngế  hok tro  lâm 5B, hngêi trung Mâ má môi Lý Thường Kiệt, cheăm Ea Tu, pơlê kong kơdrâm Ƀuôn Ma Thuột, mot pơlât a hngêi pơkeăng mâu ki mê tối pôu prĭng ko, vung vế ko, hêng hêa ƀă châi klêa pơyâng lo têa. Tiô rơkong tối ing kô ki pơkuâ lâm 5B xuân cho ngế ki djâ mâu vâi o hok tro mot pơlât tơdrêng a hngêi pơkeăng, hdrối mê mâu vâi o ki mê ôu trà sữa ki vâi tơbleăng tê pakĭng hngêi trung.

Nôkố ivá vâi o hiăng tơniăn. Tâng tối tiah mê, kơvâ ngăn pơlê pơlê kong kơdrâm Ƀuôn Ma Thuột hiăng mơjiâng khu cheăng lăm séa ngăn pêi cheăng ƀă hngêi trung ƀă xo túa trà sữa vâ khăm ngăn.