Khu ngăn ƀok thái pơkeăng hơnăm ối nếo kong pơlê Dak Lak nôkố ai 16 chi hô̆i ối tung kong pơlê ƀă vâ chê 1 rơpâu ngế hô̆i viên cho mâu  ƀok thái pơkeăng hơnăm ối nếo dế pêi cheăng a mâu hngêi pơkeăng, tíu xiâm khăm pơlât ing kong pơlê troh tơring ƀă mâu hngêi pơkeăng khăm pơlât krê tung kong pơlê.

Tung 5 hơnăm hdrối, rêm râ khu ƀok thái pơkeăng hơnăm ối nếo tung kong pơlê hiăng ai hên tơdroăng cheăng mơhnŏng pleăng xua ivá pơlê pơla, môi tiah: tơkŭm po 120 rôh khăm, hnê tối  mơnhên ivá, hbru pơkeăng tê kơtê ăm 86 rơpâu ngế kuăn pơlê ƀă kơxô̆ liăn lối 4,2 rơtal; hnê hriâm mâu túa ki pơlât apoăng ăm lối rơpâu ngế thái cô mâu hngêi trung mầm non, hngêi trung râ má môi tung lâp kong pơlê.

Tung hneăng ki nếo, Khu ngăn ƀok thái pơkeăng hơnăm ối nếo kong pơlê Dak Lak pơtối mơdêk hnoăng cheăng ƀă ivá cheăng dêi hô̆i viên ing mâu tơdroăng ki hriâm tâp, hriâm pât, mơdêk hiâm mơno ‘na ngế ƀok thái pơkeăng; mơdêk tơdroăng ki tơmiât rơkê tung hriăn ngăn khoa hok ƀă mơdêk tơdroăng cheăng mơhnŏng pleăng xua ivá pơlê pơla.