Kố cho ngế ki hlâ má 4 xua tro pơreăng thĕn kŏng chêng rơkong tung kong pơlê sap apoăng hơnăm troh nôkố. Ngế hdrêng mê kot mâ hơnăm 2021, ối a cheăm Ia Lôp, tơring Ea Sup, kong pơlê Dak Lak.  Tiô mâu hngêi ngế hdrêng tối, hâi lơ 11/11, hdrêng tơngê hmân puk pâk, ối hmôu hêng koi tê, lo pơtong têa a kơdâm kơpeăng chêng, tơleăng rơkong. Rơpŏng hngế djâ hdrêng lăm khăm klêi mê koi pơlât a hngêi pơkeăng tơring Ea Sup.

Xuân tung hâi ki mê, ngế hdrêng châ pơtroh pơlât a Hngêi pơkeăng kân kơpong Tây Nguyên. A kố, hdrêng khăm châ  châ ƀok thái pơkeăng tối thĕn kŏng chêng rơkong ƀă hlối pá kâi hiâm a độ 4, ai pơreăng tung mơ-heăm, lo mơheăm tung troăng klêa ƀă êi xôu râ. Troh kơxo hâi lơ 13/11, hdrêng hlâ.