Hneăng hôp tơpui tơno mơjiâng mơnhông pro pơkeăng kơpong hdroâng kuăn ngo
Thứ năm, 14:00, 30/11/2023
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - Tung 3 hâi, sap hâi lơ 29/11 troh lơ 1/12, a tơring Dak Glong, kong pơlê Dak Nông, Tíu xiâm pơtâng tối Hnê hriâm ivá Tơnêi têa tơrŭm ƀă Kơ koan xiâm pơkuâ pơkeăng, khăm pơlât, pơkeăng tiô khôi vâi krâ nah (Khu xiâm pơkuâ ngăn pơkeăng ƀă khăm pơlât tơkŭm po Hôp tơpui tơno tối túa ki rơkê tơtro tiô khôi vâi krâ nah mơdêk mơjiâng mơnhông mơjiâng tiô troăng ki kơnâ, kơpong pêt pơkeăng kơnâ, mơhnhôk mơ’no liăn cheăng kơpong kuăn pơlê hdroâng kuăn ngo ƀă kong ngo.
A hneăng hôp tơpui tơno, mâu kăn teăng mâ hiăng châ tơmâng mâu ngế rơkê tối ‘na tơdroăng xiâm ‘na hnoăng, ki kơnâ dêi mơjiâng mơnhông pêt mơjiâng tiô troăng ki kơnâ, kơpong pêt pơkeăng kơnâ troh tơdroăng mơnhông cheăng kâ – rêh ối pơlê pơla dêi tơring Dak Glong.
Mơnhên la ngiâ troăng mơnhông pêt pơkeăng tiô troăng ki kơnâ a tơring Dak Glong; ki pơxúa dêi tơdroăng tơrŭm khăm pơlât ƀă pơkeăng tiô khôi vâi krâ nah tung tơdroăng mơdêk rak ngăn ivá châ chăn kuăn pơlê.
Viết bình luận