Ngế ki hlâ mê cho nâ Siu K. (kot mâ hơnăm 1991, ối a thôn Phăm Kleo Ngol, cheăm Bar Măih, tơring Chư Sê. Tiô mơngế tung rơpŏng hngêi tối, kơtăn kố dâng 1 khế, nâ K. dế lăm pêi cheăng a thôn Phăm Klăh (cheăm Bar Măih) vêh a hngêi tro 1 to chó ki hmếo pơ kơtâu hmâng vâ drô troăng pa gong kâ nâ a kóu chêng pá hơvá heăn trâu, hlối lo mơheăm hên. Nâ châ mơngế tung rơpŏng hngêi chơ troh pơlât a hngêi pơkeăng krê a cheăm Bờ Ngoong, tơring Chư Sê) xếo pik pơkeăng tíu tro rong ƀă hlối pâk môi rôh pơkeăng (la ôh tá ‘nâi túa pơkeăng ki klâi).
Klêi mê châ thái pơkeăng tối thế lăm pâk mơdât pơreăng rơxok la ôh tá lĭng lăm pâk. Kơxo hâi lơ 10/12, rơpŏng hngêi djâ nâ lăm khăm a Khoa cấp cứu (hngêi pơkeăng kân kong pơlê) ƀă châ ƀok thái pơkeăng khăm tối séa ngăn vâ ‘nâi hôm tro pơreăng rơxok. Hâi lơ 11/12, ngế ki mê hlâ a hngêi.
Viết bình luận