Ing apoăng hơnăm troh nôkố, kong pơlê Kon Tum ai 33 tíu ai pơreăng tơngê lo mơheăm ƀă lối 160 ngế tro, tâng pơchông ƀă khế kố hơnăm nah tâk 10 tíu ai pơreăng ƀă tâk 98 ngế tro. Nôkố pơreăng tơngê lo mơheăm a kong pơlê Kon Tum dế tâ tú tung lâp lu. Môi tiah a tơring Kon Plông, tíu ki mâu hơnăm hdrối tá hâi ai ngế ki lâi tro pơreăng, nôkố hiăng ai tíu ki ai pơreăng ƀă 4 ngế tro pơreăng tơngê lo mơheăm.

Ƀă a tơring Kon Rẫy hiăng ai lối 110 ngế tro pơreăng tơngê lo mơheăm, hên má môi tung mâu tơring, pơlê kong kơdrâm dêi kong pơlê Kon Tum maluâ hiăng hbrâ tối tơbleăng hnoăng cheăng hbrâ mơdât pơreăng. Kong pơlê Kon Tum hiăng pơkâ thế hbrâ mơdât pơreăng rêm râ; hbrâ rơnáu kơxô̆ liăn, kế tơmeăm xúa tung khăm pơlât; hnê tối, tiâ mơnhên tơdrêng túa ki hbrâ mơdât pơreăng tơngê lo mơheăm ăm vâ chê 26 rơpâu ngế kuăn pơlê; tơkŭm po lối 2.200 rôh lăm kơdê kiâ ngu ngĕng.