Tiô tối tơbleăng, tung hơnăm 2023, Dak Lak ôh ti ai ngế ki lâi tro pơreăng lo xêi, la troh tơdế hơnăm kơ’nâi cho hơnăm 2024, pơreăng hiăng tâk vâ chê 900 ngế tro, rơtế ƀă 31 ngế tro pơreăng rubella. 3 khế apoăng hơnăm 2025, kơxô̆ ngế tro pơreăng lo xêi pơtối tâk a kơlo ki hên ƀă 206 ngế, tâk 100% tâng vâ pơchông ƀă khế kố hơnăm 2025, tơkŭm hên cho a mâu tơring Buôn Đôn, Krông Pač, M’Drak ƀă Ea Súp.

30% ngế tro pơreăng lo xêi a Dak Lak ối tung khu hdrêng sap ing 1 - 4 hơnăm, ki hên cho vâi hdrêng ki tá hâi pâk vaccine hbrâ mơdât pơreăng. Hơnăm nah, kơxô̆ ngế pâk vaccine hbrâ mơdât lo xêi a Dak Lak châ 95%, la 2 khế apoăng hơnăm kơxô̆ ki kố bu châ 15%. Pôa Võ Hải Sơn, phŏ kăn pơkuâ Khu ngăn ƀơrô cheăng hbrâ mơdât pơreăng ăm ‘nâi, kô xúa mâu kơxô̆ liăn vâ tŏng gum vaccine ăm kong pơlê Dak Lak, rak tơniăn tŭm kơxô̆ ngế hdrêng châ pâk vaccine.