A rôh tơdah, pôa Tô Lâm, Kăn xiâm pơkuâ hnê ngăn cheăng Đảng tối Việt Nam môi tuăn ngăn Mih cho kong têa tơrŭm cheăng ki má môi ƀă vâ tơrŭm cheăng krá ƀă Mih vâ djâ tơrŭm cheăng péa pâ rế mơnhông tơƀrê khât, pêi trâu rơdâ, pêi tơbrê mâu tơdroăng kal tung rôh Tơbleăng tơdjuôm ƀă Pơkâ pêi tơbleăng tơdroăng tơrŭm cheăng tung tŭm tơdroăng xua vâ pro pơxúa tơdjuôm dêi péa tơnêi têa ƀă hơniâp lĕm, tơrŭm ƀă mơnhông krá a kơpong ƀă tung lâp plâi tơnêi.

Kăn teăng mâ Mih tối, môi Việt Nam “Rơdêi, tơniăn, kro mơdrŏng, mơ-eăm rơdêi” cho môi hnoăng veăng ‘no kơhnâ khât vâ hơniâp, tơniăn tung kơpong ƀă tung lâp plâi tơnêi ƀă cho tơdroăng ki Mih vâ môi tuăn. Kăn teăng mâ Mih nhoăm tơrŭm cheăng kâ - ‘no liăn cheăng Tê mơdró ƀă Việt Nam, tung mê, Việt Nam ngăn cho môi tung mâu tơdroăng tơrŭm cheăng ki kal tung tơdroăng mung rôe tơmeăm lâp plâi tơnêi ƀă kơchơ mơdró Việt Nam dế po hên rôh tơ’lêi ăm mâu tơmeăm pêi lo ƀă tê mơdró dêi Mih.