Tơpui a leh tơbâ, Đăi tươ̆ng Phan Văn Giang, Ngế cheăng tung Khu xiâm kal kí, Phŏ kăn xiâm pơkuâ hnê ngăn Đảng lêng Tơnêi têa, Ngế xiâm pơkuâ ngăn lêng tối nhên, Lâm Đồng cho kong pơlê peăng Hdroh Tây Nguyên, ai tíu ối tung la ngiâ kal khât ‘na cheăng kâ, rêh ối pơlê pơla, tơdroăng cheăng lêng, gâk kring. Teăng mâ kăn xiâm pơkuâ hnê ngăn Đảng, Tơnêi têa, Đăi trươ̆ng Phan Văn Giang rơkâu mâu tơdroăng pêi pro ƀlêi chiâng kân kĭn ki Đảng ƀô̆, khu kăn pơlê, khu lêng ƀă mâu kuăn pơlê kong pơlê Lâm Đồng hiăng ƀlêi chiâng tung plâ 50 hơnăm hdrối.

Đăi tươ̆ng pơchân, ki hdrối tâ Lâm Đồng kal tơkŭm ivá pêi klêi, mơnhông ƀlêi trâng mâu tơdroăng pơkâ pêi, tơdroăng pơkâ, hnoăng cheăng mơnhông cheăng kâ rêh ối pơlê pơla, rak vế tơdroăng cheăng lêng gâk kring, pro ivá mơnhông rơdêi vâ kong pơlê mơ-eăm prôk mot tung chal ki nếo. Kơhnâ pơhlêh kơxô̆, pơhlêh tơdroăng ‘no liăn tê mơdró, mơdêk ivá tơxup.

Ôh tá pơtê ‘mâi mơnhông, rak ngăn mơjiâng rak vế tơniăn tơdroăng tŏng pơlê pơla, malối cho ƀă mâu ngế ki châ tơnêi têa tŏng gum, kơpong kuăn pơlê hdroâng kuăn ngo. Khŏm mơ-eăm ăm Lâm Đồng chiâng kong pơlê mơnhông rĕng ƀă krá tơniăn.