Khu ki lăm tŏng xo dêi Việt Nam diâp 30 tâ̆n tơmeăm xúa ăm Myanmar hdrối vâ vêh dêi ngi tơnêi têa
Thứ tư, 14:00, 09/04/2025
Tơplôu: Gương/VOV
Tơplôu: Gương/VOV
VOV.Xơ Đăng - Kơxê lơ 8/4, hdrối vâ vêh tơnêi têa, Khu ki pêi dêi hnoăng cheăng tŏng gum mâu ngế ki hliăng tiâ Khu xiâm ngăn Kŏng an Việt Nam hiăng diâp 30 tâ̆n tơmeăm xúa tung khăm pơlât, mâu kế tơmeăm xúa ki kal vâ gum kong têa Myanmar ‘mâi mơnhông mâu kế tơmeăm klêi kơ’nâi tơnêi tơdro.
Tung pơla 10 hâi pêi cheăng a Myanmar, Khu kố hiăng tŏng xo tơdrêng 7 ngế ki tro kreăng tung mâu tơnêi, tơmeăm ki tơ’nhiê. Tơdrêng amê hlối tơrŭm ƀă khu tŏng xo dêi mâu kong têa tŏng xo tơ’nôm 7 ngế ki ê.
Khu kố hiăng khăm pơlât, pơlât apoăng, hbru pơkeăng ăm lối 50 ngế ki tro rong; pro 2 to hơkôp ƀă ƀaih vâ pro tíu ối ăm mâu ngế ki ôh tá ai hngêi; xôh pơkeăng kơdê pơreăng ăm hên kơpong kuăn pơlê ối. Pakĭng mê, khu kố hiăng tơkŭm po ƀlêi chiâng hên tơdroăng mơhnhôk; veăng gum liăn ăm 6 rơpŏng ki hlâ.
Viết bình luận