Pôa Tô Lâm Kăn xiâm pơkuâ hnê ngăn Đảng lăm pôu kong têa Rusi
Thứ sáu, 10:00, 09/05/2025
Tơplôu: Gương/VOV
Tơplôu: Gương/VOV
VOV.Xơ Đăng - Kơxê hâi lơ 8/5 (tiô chôu kong têa Rusi), pôa Tô Lâm, Kăn xiâm pơkuâ hnê ngăn Đảng ƀă kơdrâi pôa ƀă mâu kăn xiâm tơnêi têa têa pin hiăng troh a tơriah tơƀai Vnukovo 2, Moscow pơxiâm pôu pêi cheăng a kong têa Rusi ƀă veăng leh tơbâ 80 hơnăm Hâi plâ ƀlêi trâng tung rôh tơplâ ƀlêi trâng kân kring vế tơnêi têa tiô rơkong krếo thế dêi pôa Vladimir Putin.
Tung rôh lăm pôu ƀă veăng leh tơbâ 80 hơnăm Hâi plâ ƀlêi trâng kân kring vế tơnêi têa. Pôa Tô Lâm, Kăn xiâm pơkuâ hnê ngăn Đảng ƀă mâu kăn xiâm dêi Việt Nam kô ai mâu rôh trâm mâ ki kal ƀă kăn xiâm dêi Rusi, ing mê hiăng ai ivá nếo tung tơrŭm cheăng péa pâ tung mâu tơdroăng cheăng, tung mê, ai mâu tơdroăng cheăng ki nếo, môi tiah cheăng kâ, tê mơdró, ‘no liăn cheăng, khoa hok, ƀă on tơhrik, kŏng ngê̆ ki dâi lĕm, tuăn ngôa rơkê kuăn mơngế hriĕn pro.
Veăng pro xiâm ki nếo vâ pêi tiô pơkâ mơnhông tiô troăng hơlâ pơla Việt Nam - Rusi, xua vâ pro pơxúa ăm kuăn pơlê péa tơnêi têa, xua vâ pro hơniâp lĕm, tơniăn, tơrŭm ƀă mơnhông a kơpong xuân môi tiah tung lâp plâi tơnêi.
Viết bình luận