Mâu ngế ki hnê hiăng tối hên víu ngăn, túa ki rơkê tơtro ‘na xúa kŏng ngê̆ kơxô̆ tung tơdroăng chêh hlá tơbeăng, tơdrêng amê tối roh tơ’lêi hlâu ƀă pơloăng mơnúa dêi mơngế chêh hlá tơbeăng tung tơdroăng pơhlêh xúa kŏng ngê̆ rĕng; tơpui tơno ‘na troăng vâ hlá tơbeăng kâi trâng ƀă mơnhông tung pơla kŏng ngê̆ rế hía rế mơnhông mơdêk, pơloăng mơnúa rế kân.

Tiô ngế chêh hlá tơbeăng Nguyễn Văn Phú, Kăn hnê ngăn Khu chêh hlá tơbeăng kong pơlê Dak Lak, mâu hơnăm achê kố, hlá tơbeăng a Dak Lak hiăng ai mâu troăng mơnhông ó rơdêi kơnôm kŏng ngê̆ kơxô̆. Mâu ƀai chêh  hlá tơbeăng hiăng châ tơbleăng tung hên hyôh măng, hên ƀai châ mơ’no tơdrêng tung um tiô troăng măng (live stream) mơhnhôk kơxô̆ mơngế ngăn kơdrâm.

Pôa Phú mơnhên, chal xúa kŏng ngê̆ ôh tá xê pơloăng mơnúa, mê cho roh tơ’lêi kân vâ hlá tơbeăng mơdêk ki dâi lĕm, po rơdâ mơngế ki ngăn ƀă châ ‘nâi tơdroăng rĕng má môi, tơtro má môi.