Mâu kăn tối tiah kố, kơvâ cheăng ƀă kơmăi kơmok Việt Nam dế mot tung hneăng ki pơhlêh dêi tơná rơdêi tung pơla tơrŭm ƀă kong têa ê trâu hngế, pơhlêh ngiât – pơhlêh kơxô̆ ƀă pơkâ thế rế hía rế hên sap ing tơdroăng ki kơnía lâp plâi tơnêi. Tung tơdroăng la ngiâ mơnhông cheăng kơmăi kơmok troh hơnăm 2030, troăng ngăn 2045 ivá pơkuâ ngăn xêh mơjiâng pro ƀă veăng tung tơdroăng ki tê tơmeăm ăm lâp plâi tơnêi châ mơnhên cho ki kal chiâng vâ Việt Nam ôh ti xê to tíu ki veăng tơrŭm tơdroăng cheăng tơdjuôm, mê cho tíu xiâm mơjiâng pro kơmăi kơmok rơxông nếo dêi kơpong.

Pơkâ 57 ‘na mơnhông tơƀrê khoa hok, kong ngê̆, pơhlêh nếo tơmiât pêi rơkê ƀă pơhlêh kơxô̆ tơnêi têa ƀă Pơkâ 68 ‘na mơnhông cheăng kâ krê kô pro chiâng ai hên ivá cheăng ki kal ăm kơvâ cheăng ƀă kơmăi kơmok ƀă pơhlêh kơxô̆ troh hơnăm 2030. Ing mê, mơdêk mơjiâng pro cheăng kơmăi kơmok Việt Nam pơkuâ xêh, rơdêi tung la ngiâ.