Phŏ ngế pro xiâm hnê mơhno má môi mơnhên tơdroăng mơ-eăm ƀă tơdroăng tơrŭm krá tơniăn pơla kong pơlê ƀă Khu séa ngăn Chin phuh ƀă mâu kơ koan tơnêi têa tung pêi pro hnê mơhno dêi Kăn xiâm pơkuâ hnê ngăn Đảng ƀă Pơkâ pêi dêi Chin phuh. Mâu roh tơdroăng châ tơleăng tơtro, tro pơkâ, mơjiâng tơdroăng ki môi tuăn hên.

Phŏ Ngế pro xiâm hnê ngăn tơnêi têa pơkâ kong pơlê Dak Lak pơtối pêi pro kơtăng mâu tơdroăng ki pá u ối hdrối hâi lơ 30/6 vâ hbrâ tơtro ăm tơdroăng pơkuâ tơnêi têa péa râ sap ing lơ 1/7. Tơdrêng amê, kal thăm séa ngăn, teăm tơdrêng châ hlo ƀă tơleăng mâu roh tơdroăng ki nếo, ôh tá lôi ai tơdroăng ki tô, xăm tối, veăng kum tơniăn tơdroăng kal kí, rêh ối pơlê pơla a kong pơlê.