Pôa Tô Lâm, Kăn xiâm pơkuâ hnê ngăn Đảng khĕn kơdeăn mâu tơdroăng tơkêa bro ‘no liăn pêi cheăng dêi Qualcomm a Việt Nam, hâk mơnê grup kô pơtối po rơdâ troh mâu kơvâ cheăng kơmăi kơmok ki dâi lĕm, tuăn ngôa rơkê kuăn mơngế hriăn pro, bán dẫn cho trếo chiâng hrik xup xo, ‘na kơmăi kih thuâ̆t kơxô̆. Pôa tơngah Qualcomm kô veăng  mơnhông Việt Nam chiâng tíu xiâm AI ƀă Trếo chiâng hrik xup xo dêi kơpong ƀă lâp plâi tơnêi. Kăn xiâm pơkuâ hnê ngăn Đảng tối rơdêi mâ ngăn ki vâ mơnhông tơnêi têa troh hơnăm 2030 ƀă 2045 ƀă pơkâ chiâng tơnêi têa pê lo liăn hên, kơmăi kơmók ai tiô túa nếo.

Vâ ai tiah tơdroăng pơkâ mê, Việt Nam hiăng pơkâ hên  tơdroăng kal, pro hlâu vâ mơnhông khoa hok, kơmăi kơmok, mơdêk hnoăng cheăng pêi tung kơpong krê dêi kuăn pơlê hlối tơ’mot khu ‘no liăn cheăng ing kong têa ê, malối tung mâu kơvâ cheăng ƀă kŏng ngê̆ mê ki xiâm.