Kố cho mâu vâi o pá xôp 16 hơnăm, cho tung rơpŏng kơtiê xơpá  môi tiah hdrêng kuăn tê, vâi o kuăn ngo, kơpong hơngế hơngo lơ kuăn ‘nĕng kăn ƀô̆, mâu lêng. Tung pơla hdrối kố hía nah, mâu tíu pêi cheăng, mâu ngế tung kơvâ kŏng an hiăng veăng gum liăn rêm khế, hbru hmân ếo xâp, ăm mâu hlá mơ-éa hriâm, mơ-éa chêh ƀă hlối mơhnhôk kum hnê vâi o hriâm, hriâm pât hiâm mơno tơná vâ chiâng mơngế ki lĕm.

Hên vâi o hiăng hriâm châ khĕn cho hok tro rơkê, hok tro rơkê tung tâi tâng môn. Mâu hơnăm hdrối kô hía nah, mâu túa mê cho “Nôu hơđâng ‘’, Kuăn păn roăng dêi Kŏng an’’ châ tơbleăng trâu troh lâp lu mâu tíu pêi cheăng. Tung mê, Khu vâi kơdrâi Kŏng an kong pơlê hiăng pro xiâm. Mâu tíu pêi cheăng thâ veăng pêi hên tơdroăng: mê cho Kŏng an mâu cheăm, pơlê kong krâm Ayun Pa, tơring Kƀang Dak Pơ,  Ia Pa ƀă hía hé…