Xông tơpui pơxiâm po hneăng hôp, Yăo sư-Tiê̆n sih Nguyễn Xuân Thắng – Kăn hnê ngăn Hô̆i đong lý luâ̆n Tơnêi têa, Khu hnê mơhno Tiêuh ƀan mơ-éa ki kal ‘na pơlê pơla – kal kí Hneăng hôp má 14 tối rơdêi, Mơ-éa chêh hdrối mơ-éa ki kal rêh ối pơlê pơla – kal kí Hneăng hôp 14 dêi Đảng mơhno tơdroăng ki pơtối pêi tiô troăng ton ƀă mơnhông ing mâu hneăng hôp hdrối, tơdrêng amê chêh tối tơdroăng ki pơhlêh nếo, tơmiât pêi rơkê tung tơdroăng rak ƀă pêi pro.

Veăng tơpui mơ-éa ki kal cho roh tơ’lêi vâ mâu kăn teăng mâ Kuô̆k hô̆i hơnăm ối nếo veăng kum tuăn ngôa rơkê, hiâm mơno ki mơ-eăm tung tơdroăng mơnhông dêi tơnêi têa. Yăo sư – Tiễn sih Nguyễn Xuân Thắng pơkâ thế: Hên tơdroăng xiâm ki nếo pơkâ, cho thế tơniăn vâ mơnhông ƀă mơnhông tơniăn krá ton xŏn.

Tíu xiâm dêi tơdroăng xiâm kố cho cheăng kâ - rêh ối pơlê pơla ƀă rak vế kong prâi. Kong prâi cho tơdroăng ki xiâm nếo. Klêi mê tơdroăng kuăn mơngế mơnhông tơƀrê hluâ. Hdrối nah, pin thế tối troh troăng pêi cheăng ton xŏn. Laga tiô á tơmiât troh mâu khu râ cheăng; đi đo tiô râ hnoăng cheăng, ôh tá ing tơdroăng nôkố mê pin thế mơnhông troăng pêi ki lâi. Á xuân pói vâ mâu khu pú tơmiât tơ’nôm tơdroăng kố tung tơdroăng mơnhông hluâ pơkâ.