Kong pơlê Lâm Đồng nôkố ai 7 khu túa cheăng kâ – rêh ối pơlê pơla châ ƀă hluâ pơkâ pêi, tung mê, xo hnoăng liăn ngân tơnêi têa lối 32.000 rơtal liăn, tơkâ hluâ pơkâ mơ’no. Phŏ Ngế pro xiâm hnê ngăn tơnêi têa mơnhên, kheăn kơdeăn tơdroăng mơ-eăm dêi kong pơlê tung tơdroăng tŏng gum, tŏng xo, veăng gum kuăn pơlê kơpong tro tơdjâk xua kong prâi pro ôh tá tơniăn, tơdrêng amê pơkâ kong pơlê pơtối mơnhông ó rơdêi, tơniăn kêi đeăng mâu pơkâ tơtêk.

Ki xiâm cho rak ‘’kơlo tơdroăng pêi pro’’ tung tê ngi kong têa ê tơmeăm pêi lo ing chiâk deăng, mơdêk tơdroăng mơjiâng pro mâu tơmeăm ki xiâm, ki má lối cho mâu troăng kân ăm phêp rơxế kơtâu têi, vâ pêi pro tơdroăng mơ’no liăn hceăng tơnêi têa. Roh kố, Phŏ Ngế pro xiâm hnê ngăn tơnêi têa hiăng veăng leh pơxiâm mơjiâng pro hngêi ối nếo ăm 4 rơpŏng kuăn pơlê tro tơhnâp hngêi tâi tâng a cheăm D’Ran ƀă diâp kơxuô tơmeăm ăm mâu rơpŏng tro lŭp kân xua kong mêi têa kân lân lu.