Tiô tối, cheăng kâ - rêh ối dêi Pơlê kong kân tung 4 khế apoăng hơnăm pơtối châ hên. Tâi tâng kơxô̆ liăn châ xo ing ôm hyô khế 4 riân vâ chê 20.000 rơtal liăn, tâk 30% tâng vâ pơchông ƀă hơnăm nah. Tơdroăng hbrâ xing xoăng tơkŭm mâu tíu pêi cheăng rêm râ ƀă mâu kăn kong pơlê 2 râ châ thâ pêi pro, hbrâ rơnáu, teăm tơdrêng.

Mâu tơdroăng cheăng, troăng hơlâ mơdêk châ pêi pro kơtăng. Mâu tơdroăng tơkêa bro, tơmeăm khoăng, tơmeăm ki kal, troăng prôk tơdjêp pơtối rĕng pêi. Malối, Pơlê kong kân Hồ Chí Minh hiăng tơkŭm po klêi  mâu tơdroăng cheăng troh leh tơbâ 50 hơnăm Hâi châ tơleăng lĕm peăng hdroh, lâp tơnêi têa tơrŭm môi, pro ai  tơdroăng hơniâp troh lâp tơnêi têa ƀă tâi tâng kuăn pơlê pin ki ối a kong têa ê, châ ƀlêi trâng dêi mâu tơdroăng pêi pro kô nah cho xiâm vâ Pơlê kong kân Hồ Chí Minh mơjiâng môi leh kân lâp tơnêi têa tơrŭm môi a rôh leh lơ 30/4 rêm hơnăm, mơhno ki lĕm tro ƀă mơjiâng tơmeăm ôm hyô, cheăng ƀă kơmăi kơmok túa lĕm tro dêi pơlê kong kân.