Tơdroăng tơkêa bro troăng kân ăm phêp rơxế kơtâu têi Quy Nhơn – Pleiku ai tâi tâng xŏn dâng 125 km, pơxiâm sap ing troăng kân tơnêi têa 19B, tíu apoăng cho pơlê kong krâm An Nhơn, kong pơlê Bình Định ƀă tơdjêp a troăng kân Hồ Chí Minh a pơlê kong kơdrâm Pleiku, kong pơlê Gia Lai.

Tâi tâng kơlo mơ’no liăn cheăng dêi tơdroăng tơkêa bro lối 43.500 rơtal liăn; tiô tối hdrối pơxiâm mơjiâng pro a hơnăm kố, kêi đeăng a hơnăm 2029. Tơdroăng tơkêa bro troăng kân ăm phêp rơxế kơtâu têi Quy Nhơn – Pleiku châ pói tơngah djâ ăm hên tơdroăng ki pơhlêh tơtro ƀă thăm tơdjêp kơpong

Kuăn pơlê Gia Lai, mâu khu tê mơdró rơxế pơto tơmeăm, ƀă khu râ kăn pơkuâ pơrá tối pói vâ Kuô̆k hô̆i rĕng tơbleăng troăng hơlâ mơ’no liăn cheăng vâ tơdroăng tơkêa bro kô chiâng pêi pro tơdroăng mơjiâng pro, tơxâng pói tơngah mơnhông cheăng kâ – rêh ối pơlê pơla dêi kơpong Tây Nguyên ƀă Duyên hải Nam Trung Bộ.