Tung pơla kố nah, Khu pơkuâ cheăng Đảng kong pơlê ƀă Vi ƀan kong pơlê Lâm Đồng hiăng tơbleăng hên pơkâ pêi, mơ-éa hnê mơhno, mơhnhôk mâu kơ koan, tíu pêi cheăng, mâu tơring, pơlê kong kơdrâm tung kong pơlê tơkŭm tâi tâng kơxô̆ liăn vâ pêi pro rĕng tơdroăng mơ’no liăn cheăng, rĕng kêi đeăng tơdroăng tăng tơnêi vâ pro tơmeăm khoăng, tơdroăng tơkêa bro...

Laga, troh nôkố, tơdroăng mơ’no liăn cheăng tơnêi têa dêi kong pơlê Lâm Đồng xuân ối iâ, bu nếo pêi pro châ 1.446 rơtal liăn tung tâi tâng kơxô̆ lối 9.340 rơtal liăn, châ kơlo têk chu 15,5% tiô pơkâ pêi. A hneăng hôp, pôa Trần Hồng Hà, Kăn hnê ngăn Vi ƀan kong pơlê Lâm Đồng tối, tơdroăng mơ’no liăn cheăng tơnêi têa tung kong pơlê châ iâ môi tiah kố cho ôh tá hêng vâ ôh ‘nâng.

Pôa pơkâ thế khu râ kăn pơkuâ mâu tơring kal tơmâng mơdêk rĕng tơdroăng pêi pro, thế pêi kơtăng tơdroăng tăng tơnêi vâ mâu tơdroăng tơkêa bro kô pêi pro mơ’no liăn cheăng tơnêi têa, tung mê tơtrŏng mâu tơdroăng tơkêa bro troăng kân ăm phêp rơxế kơtâu têi.