Xông tơpui a roh trâm mâ, jâ Võ Thị Ánh Xuân, Phŏ Kăn xiâm hnê ngăn tơnêi têa tối ăm ‘nâi kố cho mâu ngế ki lĕm, pêi cheăng lĕm, mâu ngế ki eăng tung tơdroăng rêh ối tung tơdroăng cheăng tơdjuôm ivá mơjiâng pơlê pơla ai tuăn pâ dêi pó, pêng păm tuăn hiâm mơno lĕm, mâu ngế ki rêh ối tiah kuăn pơlê laga ai hiâm mơno kơnâ.

Phŏ Kăn xiâm hnê ngăn tơnêi têa pói vâ mâu ngế teăng mâ rơtế rơtuh ngế pleăng mơheăm tung lâp tơnêi têa kố pơtối mơnhông hiâm mơno tuăn pâ, khôi túa lĕm dêi hdroâng mơngế, kum ăm mâu kơto mơheăm dêi tơná xua pơlê pơla, tơdroăng rêh ối pơlê pơla; tơdrêng amê cho mâu tơdroăng ki xiâm a kong pơlê, tíu pêi cheăng dêi tơná, troh lâp lu tơdroăng pêi, mơhnhôk tơ’nôm hên ngế krê, rơpŏng, hdroâng hdrê rơtế veăng pleăng mơheăm, veăng kum hên ăm tơdroăng rak ngăn ƀă rak vế ivá châ chăn kuăn pơlê.