
Tối mơgêi a rôh hôp, pôa Tô Lâm khĕn kơdeăn tơdroăng hbrâ nhên dêi kơ koan pêi cheăng ƀă veăng tối tơbleăng môi tuăn ƀă hlá mơ-éa chêh tơdroăng cheăng dêi khu hnê mơhno ƀă mâu troăng hơlâ, pơkâ nhên sap nôkố ta troh mơ’nui hơnăm; tơtrŏng kô tơ’nôm mâu tơdroăng cheăng nếo châ ‘nâi tung rêh ối.
Kăn xiâm pơkuâ hnê ngăn Đảng tối nhên 4 tơdroăng hnê mơhno tung tơbleăng pêi, kal thế tơkŭm pêi a mâu tơdroăng ki kân ki kal, pêi ahdrối mâu tơdroăng kal pêi tơdrêng, mơ-eăm tâi hơnăm kố kô kâi tah mâu tơdroăng ki pá tơvâ tơvân ‘na luât, ing mê mơhnhôk tăng tung tơdroăng mơnhông tơnêi têa.
Pôa Tô Lâm, Kăn xiâm pơkuâ hnê ngăn Đảng pơkâ thế, pơtối pêi klêi tơdroăng chêh ‘na luât, thâ séa ngăn tơbleăng mâu pơkâ, Tơdroăng ki tơdjâk troh vâ tơbleăng pêi, malối thế pêi kơtăng tơdroăng xoăng râ, xoăng hnoăng, xoăng tơdroăng cheăng pơkuâ ngăn ƀă tơbleăng pêi tro tiô tơdroăng hnê mơhno dêi khu xiâm kal kí.
Viết bình luận