Tối mơgêi rôh pêi cheăng, pôa Lương Cường tơmâng xo, khĕn kơdeăn hnoăng cheăng, ki hbrâ hdrối, hriăn plĕng ki nếo dêi kong pơlê Quảng Ninh tung tơkŭm tăng ‘nâi plĕng, hnê nhên, tơbleăng tơdroăng Pơkâ Tíu xiâm má 11, vâ môi tuăn dêi rơpó tung kăn ƀô̆, đảng viên ƀă rêm râ kuăn pơlê. Pakĭng mê mâu pơkâ mơnhông cheăng kâ, pơlê pơla pơtối rak a kơlo ki kân, tơdroăng tung pơlê pơla châ tơniăn.

Kăn xiâm hnê ngăn tơnêi têa loi khât tiah kố, ƀă tơdroăng pơ’lêh nếo, hriĕn plĕng ki nếo, khên tơnôu ƀă mơ-eăm kal kí , Đảng ƀô̆, mâu kăn, mâu lêng ƀă kuăn pơlê kong pơlê Quảng Ninh kô pơtối rak vế hnoăng ki kân hiăng châ pêi pro,  pêi tơbrê Pơkâ hneăng hôp tíu xiâm má 11 hneăng 13, mơjiâng tơdroăng chêh ƀă mơngế ăm hneăng hôp Đảng ƀô̆ kong pơlê kơhnâ khât, tơƀrê, veăng ‘no hnoăng kal tung tơƀrê dêi hneăng hôp Đảng tung lâp tơnêi têa rôh má 14.