
A roh trâm mâ, pôa Phạm Minh Chính, Ngế pro xiâm hnê ngăn tơnêi têa mơnhên Việt Nam nhuô̆m tơrŭm cheăng nhŏng o ƀă tơrŭm hên pâ ƀă Costa Rica. Pôa Phạm Minh Chính, Ngế pro xiâm hnê ngăn tơnêi têa pơkâ thế péa tơnêi têa pơtối thăm loi tơngah kal kí ing tơpui tơno mâu khu râ kăn xiâm, ki má lối cho khu râ kăn xiâm ki kân, tối ‘na kal kí; po rơdâ tơrŭm cheăng kâ, mơdêk tê mơdró pơla péa pâ, trâm mâ mơhno khôi túa lĕm tro ƀă tơdjêp kuăn pơlê.

Péa Kăn xiâm pơkuâ tơnêi têa môi tuăn hnê mơhno mâu khu xiâm, kơvâ cheăng ki tơrŭm dêi péa pâ tơrŭm ti tăng mâu troăng prôk nếo, mâu troăng pêi vâ mơdêk tơrŭm cheăng tê mơdró, mơ’no liăn cheăng pơla péa pâ ing tơmeăm ki ai hlâu ƀă tơdroăng kal vâ dêi péa pâ. Kheăn kơdeăn mâu tơdroăng ki tơrŭm cheăng pơla Việt Nam ƀă Costa Rica tung mâu kơvâ cheăng: pêi chiâk deăng, ôm hyô, mơjiâng pro tơmeăm ki rôe xúa, kơmăi kơmok phân mêm, pơhlêh xúa kŏng ngê̆, péa khu râ kăn pơkuâ môi tuăn péa tơnêi têa kal thăm tơrŭm tung mâu kơvâ kố.
Viết bình luận