Xông tơpui a roh pêi cheăng, pôa Nguyễn Hòa Bình, Phŏ Ngế pro xiâm hnê mơhno má môi Chin phuh kheăn kơdeăn tơdroăng môi tuăn, tơrŭm ƀă pêi tiô kơtăng tung tơdroăng hnê mơhno, tơrŭm po rơdâ pêi pro Pơkâ hneăng hôp roh má 11 dêi Khu xiâm pơkuâ hnê ngăn Đảng hneăng má XIII dêi mâu kong pơlê, ki má lối cho tơdroăng tơrŭm pêi pro hnoăng cheăng tơmot chiâng môi, rah xo bro lế lĕm tro khu pêi cheăng tơnêi têa, hbrâ lĕm tro tơdroăng xiâm ăm hneăng hôp Đảng mâu râ.

‘Na tơdroăng rah xo bro lế lĕm tro mơngế pêi cheăng klêi tơmot chiâng môi, pôa Nguyễn Hòa Bình mơnhên: Kố cho hnoăng cheăng thâ, mâu kong pơlê thế pêi tiô mâu pơkâ dêi Đảng ƀă Tơnêi têa vâ pêi tro, krá tơniăn, tơniăn tơbleăng tơdrăng. Thế ai pơkâ ‘na tơdroăng pơkâ tơtro kăn ƀô̆ ối má môi, tơniăn pơkâ ivá, tơdroăng ki loi tơngah tơtro pơla mâu kong pơlê; tơtrŏng tơdroăng rah xo kăn ƀô̆ ki xiâm a râ cheăm, tơxâng pơkâ hnoăng cheăng nếo.