2.Tung péa hâi lơ 14 ƀă 15/6, Rôh hôp ‘no tơdrêng ing troăng hyôh internet hnê hriâm tơdroăng cheăng, hnoăng cheăng ki ai tơdjâk troh tơdroăng cheăng tơkŭm mơjiâng Đảng, pơkuâ ngăn tơnêi têa, tơkŭm po ƀă pêi cheăng dêi Măt trâ̆n Tơnêi têa, mâu đoàn theh kal kí a râ cheăm (nếo) hiăng tơkŭm po, ƀă vâ chê 11.000 tíu mơ’no ƀă 1,5 rơtuh ngế kăn veăng hôp.

Tơpui mơgêi rôh hôp, pôa Phạm Minh Chính, Ngế pro xiâm hnê ngăn tơnêi têa tối nhên ki xiâm kal pêi tơdrêng kân khât nôkố cho rak vế krá tơniăn krê, hnoăng pơkuâ tơnêi têa, mơdêk tơdroăng rêh ối kuăn pơlê. Ngế pro xiâm hnê ngăn tơnêi têa pơkâ thế khu kăn pơkuâ kong pơlê athế pơhlêh sap ing tơdroăng ki tá hâi rơnáu chiâng rơnáu pêi, rơkê, kum kuăn pơlê tơƀrê. Tơdrêng amê, khu râ đảng, khu kăn pơkuâ rêm râ kal séa ngăn tung tơdroăng ki ai khât, tơmâng mâu rơkong tơpui tối dêi kuăn pơlê, thăm mơnhông châ xúa mâu tơdroăng cheăng, pơkâ tơleăng mâu tơdroăng cheăng, pơsăm tối, pơsăm tơkêng teăm tơdrêng, pôu râng tơdroăng cheăng ƀă tơƀrê.