Pôa Phạm Minh Chính, Ngế pro xiâm hnê ngăn tơnêi têa veăng hôp a hneăng hôp WEF Thiên Tân 2025
Thứ sáu, 05:00, 27/06/2025 Tơplôu: Katarina Nga/VOV Tơplôu: Katarina Nga/VOV
VOV.Xơ Đăng - Bă inâi “Hiâm mơno vâ pêi cheăng ăm môi chal ki nếo”, Rôh hôp tiah hmâ Mâu khu ki djâ troăng ahdrối rôh má 16 dêi Rôh hôp Cheăng kâ Lâp plâi tơnêi (WEF Thiên Tân). Po sap ing lơ 24 – 26/6 ƀă tơdroăng ki veăng ai mâ dêi lối 1.700 ngế cho mâu kăn pơkuâ xiâm, kăn teăng mâ mâu kơ koan, khu xiâm kơvâ cheăng, khu tơrŭm lâp plâi tơnêi, khu ki rơkê, ngế ki hriâm ƀă kăn pơkuâ khu mơdró kâ lo ing vâ chê 100 to kong têa tung lâp plâi tơnêi.

Tung rôh po hôp, pôa Phạm Minh Chính, Ngế pro xiâm hnê ngăn tơnêi têa hiăng veăng hôp ƀă tơpui a Rôh hôp ki kal ƀă cho ngế ki châ krếo thế dêi Tơpui kâ troăng hơlâ tơnêi têa ‘na inâi “Việt Nam – Chal ki mơ-eăm tơná: Troăng ngăn troh pêi pro”. Veăng hôp a rôh hôp tơpui tơno ƀă inâi “Hôm cho chal dêi châu Á dế trâm pơloăng mơnúa?”. Pôa Phạm Minh Chính, Ngế pro xiâm hnê ngăn tơnêi têa pơkâ mơ’no 2 tơdroăng: Mơjiâng Troăng Pơhlêh nếo tơmiât pêi rơkê châu Á, mơnhông rơdêi hnoăng cheăng pơkuâ djâ dêi Rôh hôp cheăng kâ Lâp plâi tơnêi ƀă Sinuâ tung tơdjêp mâu viê̆n hriăn ngăn, hngêi trung đăi hok ƀă khu mơdró kâ.

Mơjiâng Kong thong tin tơmiât pêi rơkê Châu Á – Ivá tŏng gum mâu khu mơdró kâ krâ kơvâ ƀă kŭn, khu mơdró kâ kâ pơxiâm vâ pêi cheăng tơmiât pêi rơkê. Ngế pro xiâm hnê ngăn tơnêi têa loi ƀă hiâm mơno tơrŭm, pôu râng hnoăng cheăng, tuăn mơno khŏm mơ-eăm, pêi pro kơtăng, tơrŭm ƀă mơnhông kro mơdrŏng.

 

Tơplôu: Katarina Nga/VOV

Viết bình luận

TIN CÙNG CHUYÊN MỤC

Video

Bi mni kơ Awa Hô
Đơs git oh, git bi
06/05/2025
Jreng Jrong
30/03/2024
Tanh bĕ dra hiam
22/03/2024