Rôh hôp châ hnê tối tơdrêng troh 34 to kong pơlê, pơlê kong kân dêi xiâm tơnêi tê, 3.321 to cheăm bêng, kơpong tung lâp tơnêi têa. Ngế pro xiâm hnê ngăn tơnêi têa tối nhên, tơdjâk dêi hyôh kong prâi pro kong prâi rế ôh tá tơniăn, ai drêng tô ó, mêi kân khía têi ôh tá ‘nâi vâ tối hdrối; ƀă khía kân kơxô̆ 3 (Wipha) hơnăm kố, mơhé rêm râ, kơvâ cheăng, kong pơlê  hiăng hbrâ  tơbleăng, hbrâ pêi pro tơdroăng ví xía vâ, hiăng tối tơbleăng hdrối vâ kuăn pơlê ‘nâ hbrâ rơnáu, hriăn troăng ví xiá vâ ki ôh tá tơniăn dêi khía, kơdroh ki lŭp.

Laga, khía plong têi a Nghệ An hlối pro kong mêi kân pro tơ’nhiê ói hngêi trăng tơmeăm khoăng. Ngế pro xiâm hnê ngăn tơnêi têa pơkâ thế xoăng, mơhno hnoăng cheăng ăm mâu ngế ti tăng ‘nâi plĕng, hnê tối hbrâ mơdât xía vâ  tơtro xua kong prâi oh tá tơniăn, xoăng mơngế tung khu hnê mơhno pêi cheăng ƀă tuăn vâ nhên mơngế, nhên hnoăng cheăng pêi tơná, nhên tơdroăng vâ pêi, nhên tơdroăng cheăng ki tơƀrê, ’nhên hnoăng pơcháu pêi ăm tơná, ing mê, vêh ngăn rơnêu tơdroăng hâi pêi tro, tối tro tơdroăng. Ngế pro xiâm hnê ngăn tơnêi têa xuân pơkâ thế mâu kăn cheăm bêng kong pơlê péa râ pêi ro tơdroăng cheăng hbrâ vía xía vâ kong prâi oh ta tơniăn ƀă tŏn xo mơngế xía vâ hliăng tiâ.