Hâi  lơ 30/7, Khu pơkuâ cheăng Tỉnh ủy Gia Lai tơkŭm po Hôp ƀă khu chêh hlá tơbeăng tối mâu tơdroăng hiăng pêi pro Hôp rôh má 12 Khu kăn Tíu xiâm Đảng hneăng 13 troh ƀă mâu kăn ƀô̆ xiâm tung lâp kong pơlê. A rôh hôp, pôa Hồ Quốc Dũng, Kăn hnê ngăn Tỉnh ủy Gia Lai ăm ‘nâi, Klêi tơ’mot  xing xoăng pro rế lĕm tíu pêi cheăng ƀă pơ’lêh chiâng túa pêi cheăng kân xiâm 2 râ, troh nôkố, mâu tíu pêi cheăng a kong pơlê Gia Lai hiăng pêi cheăng tơniăn. Kong pơlê pơcháu ăm cheăm 1.065 tơdroăng cheăng. Kuăn pơlê drêng kal lăm pro hlá mơ-éa bú lăm troh to a cheăm, ki hên vâi pro tung măng, pro tơ’lêi hlâu ƀă kơdroh hâi lăm troh  a tíu pêi cheăng.

Tung la ngiâ, kong pơlê kô pơtối xoăng râ xoăng hnoăng pêi rơdêi tâ ăm râ cheăm. Laga, nôkố xuân ối há mâu tơdroăng tơvâ tơvân kal rĕng tah ki pá mê, malối ‘na tơdroăng ôh tá hlê plĕng, ivá heăng dêi mâu kăn ƀô̆ tung cheăm. Nôkố, mâu kăn ƀô̆ cheăm a Gia Lai ki hên pái khu: Kăn ƀô̆ lo ing kong pơlê lăm pêi cheăng amê; kăn ƀô̆ lo ing tơring chu lăm pêi cheăng ƀă kăn ƀô̆ a cheăm. Mâu kăn ƀô̆ ing kong pơlê ki chu lăm pêi cheăng, kăn ƀô̆ ing râ tơring chu troh ƀă kăn ƀô̆ amê. Mâu kăn ƀô̆ hâi ai hmâ pêi mâu tơdroăng cheăng. Kong pơlê dế tơkŭm po lâm hriâm vâ kum ăm mâu kăn ƀô̆ râ cheăm rĕng plĕng hmâ ƀă tơdroăng cheăng ki nếo.