Ƀuôn Ma Thuột mơnhên troăng pêi la ngiâ tíu kơdrâm kuăn pơlê rêh ối tê mơdró rơkê, tiô rơxông nếo ƀă khôi túa lĕm tung hneăng cheăng nếo
Thứ sáu, 10:10, 01/08/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Kơxo lơ 31/7, Hneăng hôp Đảng ƀô̆ bêng Ƀuôn Ma Thuột roh má môi, hneăng hơnăm 2025 – 2030, hiăng tơkŭm po lĕm tro.
Hneăng hôp ai tơdroăng ki veăng dêi 146 kăn teăng mâ ăm lối 7.000 đảng viên. Hneăng hôp hiăng tơbleăng Pơkâ dêi Khu pơkuâ Tĭnh ŭy ‘na pơkâ rah xo Khu pơkuâ Đảng ƀô̆ bêng Ƀuôn Ma Thuột hneăng hơnăm 2025 – 2030 ai 28 ngế. Pôa Từ Thái Giang, Kăn cheăng tung Khu pơkuâ tơdroăng cheăng Đảng kong pơlê châ pơkâ rah xo pro Kăn pơkuâ hnê ngăn Đảng ŭy bêng.
Veăng hnê mơhno Hneăng hôp, pôa Nguyễn Đình Trung, Kăn pơkuâ hnê ngăn cheăng Đảng kong pơlê Dak Lak loi tơngah, ƀă mơnhên troăng prôk inhên ƀă khŏm mơ-eăm hên, Đảng ƀô̆ ƀă Kuăn pơlê bêng Ƀuôn Ma Thuột kô pơtối krá tơniăn a troăng mơnhông mơdêk, tơxâng ƀă tíu cheăng cho troăng pêi tíu xiâm, kum kal khât tung tơdroăng kân rơdêi dêi kong pơlê Dak Lak tung hneăng hơnăm 2025 – 2030 ƀă mâu hơnăm pơtối.
Viết bình luận