A roh tơdah, pôa Tô Lâm tối rơdêi péa tơnêi têa tối hên tíu ki môi tiah dêi pó tung troăng pêi mơnhông tơnêi têa, rơtế pơkâ chiâng tơnêi têa mơnhông tiô rơxông nếo klêi kơ’nâi 100 hơnăm mơjiâng tơnêi têa (ƀă Việt Nam cho hơnăm 2045, ƀă Ấn Độ cho hơnăm 2047), xua mê kal tơrŭm tâ mê nếo tơrŭm cheăng tung mâu kơvâ cheăng, ki rơhêng vâ tối cho mơdêk tơrŭm cheăng kâ, tê mơdró, mơ’no liăn cheăng tơxâng ƀă tơmeăm ki ai hlâu.

Pôa Tô Lâm, Kăn xiâm pơkuâ hnê ngăn Đảng kheăn kơdeăn Grup pơkuâ Adani tơmâng ƀă mơjiâng troăng pêi cheăng ton xŏn mơ’no liăn cheăng ton xŏn a Việt Nam, ing mê, kum thăm tơrŭm cheăng, tơdjêp péa tơdroăng cheăng kâ Việt Nam ƀă Ấn Độ. Kăn xiâm pơkuâ hnê ngăn Đảng mơnhên mâu pơkâ dêi Grup, pơkâ thế Grup pơkuâ hbrâ pêi cheăng ƀă mâu Khu xiâm, kơvâ cheăng, kong pơlê ai hnoăng vâ tơpui tơno, pro mơnhên mâu pơkâ, mơnhên troăng prôk tơrŭm la ngiâ, ing mê pêi pro rĕng mâu tơdroăng tơkêa bro mơ’no liăn cheăng a Việt Nam.