Tiô tối tơbleăng dêi Khu pơkuâ tăng ‘nâi mâu tơdroăng Kal kí ƀă Mơhnhôk cheăng Tỉnh ủy Lâm Đồng, hên kơxô̆ tơbleăng tơdroăng kal kí pơtroh ăm hneăng hôp mâu tíu pêi cheăng hiăng  tối tơdroăng ki hiăng pêi châ tơƀrê, mâu tơdroăng ki tro, ki ôh, ki pá ƀă ki xiâm ing lâi. Krê troăng hơlâ, pơkâ, tơdroăng  pêi ƀă troăng hơlâ, mâu hlá mơ-eá  chêh tối tŭm tâi tâng,  mơhno hnoăng cheăng ƀă ki mơ-eăm khât ăm hneăng la ngiâ; ‘nâi nhên mâu tơdroăng ki tơƀrê, tơdroăng ki kal, tơmeăm khoăng ki xiâm.

Tơdroăng tơkŭm po hneăng hôp kân châ pêi kơtăng, nhên, pêi tâi hnoăng cheăng,  lĕm ro, tơ’noăng dêi rơpó, pro xiâm  tơbleăng troh lâp lu tung tâi tâng Đảng ƀô̆ cheăm, bêng, kơpong. Mâu kăn veăng hôp xuân mơhno hnoăng cheăng pêi kơhnâ khât, tơrŭm dêi rơpó, môi tuăn ƀă pêi tro tiô tơdroăng pơkâ dêi luât.