Kăn xiâm hnê ngăn Kuô̆k hô̆i phiu ro tơdroăng châ tơƀrê tơrŭm cheăng rế thăm châ pro krá kâk, krá tơniăn ƀă châ tơƀrê pơla Kuô̆k hô̆i péa tơnêi, ki rơhêng vâ tối tung tơdroăng pơtâng tối tơdjuôm Việt Nam-Lếo, Môi tuăn pơla péa Khu xiâm kal kí, Tơdroăng pơkâ tơrŭm cheăng pơla péa Chin phuh ƀă tơdroăng tơrŭm cheăng pơla péa Kuô̆k hô̆i, kum djâ tơrŭm cheăng ki má môi Việt Nam – Lếo rế mot trâu hơngế, tơniăn ƀă krá tơniăn.

A roh trâm mâ, péa pâ môi tuăn pơtối mơdêk mâu tơdroăng ki kơnâ kân tung hơnăm 2025; thăm hbrâ ăm roh lăm pôu pêi cheăng Việt Nam dêi Kăn xiâm pơkuâ hnê ngăn Đảng, Kăn hnê ngăn kong têa Lếo klăng roh leh tơbâ 80 hơnăm Kăch măng Khế Tơheăm ƀă Hâi mơjiâng tơnêi têa lơ 2/9; mơdêk mâu tơdroăng tơrŭm cheăng Kuô̆k hô̆i râ má môi pơla péa pâ ƀă hên pâ.