Kơxê lơ 30/7, a bêng Pleiku, kong pơlê Gia Lai, Khu xiâm pơkuâ Kŏng an tơkŭm po tơdroăng mơgêi tơdroăng ‘’Têa tah hngêi pơtân, hngêi xi kơchoh’’ tung mâu kong pơlê Tây Nguyên hơnăm 2025. Sap apoăng hơnăm 2025 troh nôkố, khu Kŏng an hiăng pêi pro mơjiâng nếo, rơnêu ƀă bro 6.370 toăng hngêi diâp ăm rơpŏng kơtiê, rơpŏng vâ chê kơtiê a mâu kong pơlê Gia Lai, Lâm Đồng ƀă Quảng Ngãi.

Ƀă tâi tâng kơxô̆ liăn tŏng gum tâk troh 355 rơtal liăn, tơdroăng hiăng djâ troh ăm rơpâu rơpŏng ai roh tơ’lêi châ rêh ối tung hngêi lĕm, kum kal khât ăm tơdroăng tơniăn ƀă mơnhông cheăng kâ – rêh ối pơlê pơla kơpong Tây Nguyên. A kong pơlê Gia Lai, tơdroăng diâp ăm tơdah châ tơdroăng mơhnhôk trâu rơdâ ing kăn ƀô̆, mâu kŏng an kong pơlê, ƀă lối 5,4 rơtal liăn ing veăng tơlo liăn khế, mơhnhôk tơ’nôm 2,78 rơtal liăn rơtế rơpâu tâ̆n tơmeăm mơjiâng pro hngêi ing pơlê pơla.

Bu tung to lâi khế, vâ chê 6.400 toăng hngêi kân lĕm rơdâ hiăng châ khu kŏng an mâu râ mơjiâng a mâu pơlê Tây Nguyên, djâ troh tơdroăng phiu ro, pơhlêh hlo nhên tung rêm rơpŏng hngêi.