Kơxo lơ 30/7, hiăng tơkŭm po Hneăng hôp kăn teăng mâ Đảng ƀô̆ bêng Xuân Hương – Đà Lạt roh má I, hneăng hơnăm 2025 – 2030, ƀă mơnhên la ngiâ mơjiâng bêng Xuân Hương – Đà Lạt chiâng môi kơpong tíu kơdrâm kuăn pơlê rêh ối ôm hyô, tê mơdró, pơtê, rơkê, tiô rơxông nếo; ai ki phá tơ-ê ‘na kong prâi, kong kế ki ai xêh, khôi túa lĕm tro roh ton nah ƀă tơmeăm hngêi trăng râ tơnêi têa, kơpong ƀă lâp plâi tơnêi.

Xông tơpui a hneăng hôp, pôa Y Thanh Hà Niê Kdăm, Kăn pơkuâ hnê ngăn cheăng Đảng kong pơlê Lâm Đồng pơkâ bêng Xuân Hương – Đà Lạt kal mơnhên trâu tâ ki tơ’lêi hlâu, tơmeăm ki ai hlâu dêi tơná, mơnhên inhên râ, tíu cheăng, hnoăng cho tíu pro tíu xiâm kal kí – khôi túa lĕm dêi kong pơlê Lâm Đồng.

Vâ pêi pro ƀlêi trâng mâu pơkâ, hnoăng cheăng pơkâ mơ’no, pôa Y Thanh Hà Niê Kdăm pơkâ thế pakĭng thăm mơjiâng Đảng ƀă tơdroăng cheăng kal kí kruá lĕm, krá rơdêi, Đảng ƀô̆ bêng Xuân Hương – Đà Lạt kal mơdêk ivá pơkuâ, ivá tơplâ dêi khu tơkŭm po tíu cheăng Đảng ƀă mơjiâng khu kăn ƀô̆, đảng viên tơxâng pơkâ hnoăng cheăng tung rơxông nếo.