Klêi kơ’nâi lo ing tơƀai, pôa Trần Thanh Mẫn, Kăn xiâm hnê ngăn Kuô̆k hô̆i ƀă Kăn xiâm hnê ngăn Kuô̆k hô̆i râ má péa Maroc Talbi El Alami hiăng ai roh trâm mâ hâ. Tiô tối hdrối a roh lăm pôu pêi cheăng păng ‘nâng kố, pôa Trần Thanh Mẫn, Kăn xiâm hnê ngăn Kuô̆k hô̆i ai mâu roh trâm mâ ƀă kăn pơkuâ râ kăn xiâm dêi kong têa Maroc; trâm mâ tơpui tơno ƀă Kăn xiâm hnê ngăn Kuô̆k hô̆i râ má môi Maroc.

Klêi mê, tơpui tơno ƀă Kăn xiâm hnê ngăn Kuô̆k hô̆i râ má péa Maroc Talbi El Alami; kĭ môi tuăn tơrŭm cheăng pơla Kuô̆k hô̆i Việt Nam ƀă Kuô̆k hô̆i râ má péa Maroc; tiô tối hdrối tơpui tơno troăng hơlâ luât mơdêk tơrŭm cheăng kâ, tê mơdró ƀă mơ’no liăn cheăng Việt Nam – Maroc; tơdah Kăn hnê ngăn Khu Kuô̆k hô̆i râ má môi nhŏng o Maroc - Việt Nam; Kăn xiâm hnê ngăn Khu nhŏng o Maroc - Việt Nam; lăm pôu, trâm mâ kăn ƀô̆, nhân viên Kăn teăng mâ ƀă pơlê pơla mơngế Việt Nam a Maroc.