VOV.Xơ Đăng - Têa plông nah hnăng lĕm nôkố hiăng mơnok, têa kơneăng nah nôkố ôh tá ai kơbố troh lăm hum lăm hnêa têa xếo. Mâu tơdroăng pơhlêh ing tơdroăng pêt tơmeăm ôh tá krá tơniăn dế pro tơnêi chiâng ôh tá hơpok lĕm xếo, têa tro ‘mêi, kong prâi rêh ối dêi pơlê rế hía rế tro tơdjâk ‘mêi. Hdrối mâu tơdroăng mê, mơngế krâ tung pơlê ƀă rơxông hơnăm ối nếo mơtiah H’Mai hiăng rup kŏng dêi pó pêi pro vâ rak vế kong kế, rak vế tơnêi ƀă têa – mâu ki kơnâ krih tơviah dêi pơlê pơla. Tơdroăng pro pơro ‘’Thế rak têa plông, têa kơneăng, rak tơnêi’’ cho rơkong mơdriu ƀă xuân cho rơkong krếo pêng păm hnoăng cheăng ƀă tơdroăng rêh ối tâ tá pin.