Tơpui a rôh hôp, Ngế pro xiâm hnê ngăn tơnêi têa tối nhên: Ki xiâm vâ pêi kân cho troh tơbâ 100 hơnăm mơjiâng Đảng ƀă tơnêi têa, Việt Nam athế mơnhông rĕng, ngiât, krá tơniăn ƀă pêi châ tơƀrê hên péa kơxô̆. Vâ tiah mê, kal ai hên mâu kơxô̆ liăn, tung mê Tíu xiâm cheăng kong têa ê kô cho ngế ki kal, ‘mot tơ’nôm kơxô̆ liăn ăm mơnhông.

Ngế pro xiâm hnê ngăn tơnêi têa pơkâ thế, vâ tíu xiâm chiâng ƀlêi chiâng, kal mơjiâng pro luât tiô chal nôkố, tơdrăng, pro tơ’lêi hlâu ăm khu ki ‘no liăn cheăng. Tơdrêng amê athế pêi pro klêi hngêi trăng troăng klông ki rơkê plĕng tiô chal nôkố, châ tiô tơdroăng púi vâ mơnhông ƀă tơtro ƀă troăng pơkâ pêi lâp plâi tơnêi xuân môi tiah mâu tơdroăng ki kal pêi a Việt Nam. ‘Na mâu ngế cheăng, Ngế pro xiâm hnê ngăn tơnêi têa tối nhên kal mâu ngế cheăng rơkê khât. Malối, pro chiâng tơdroăng cheăng kâ tê mơdró mơnhông tơƀrê ăm khu ki ‘no liăn cheăng, pêi pro troh tơdroăng pơhlêh tơniăn krê ai troăng pêi tơtro.